Sethús, Traðavegur 21, 435 Streymnes

Talan er um eini hús við góðari staðseting í hugnaligum, barnavinarligum og náttúruvøkrum umhvørvi.

Húsini eru í tveimum hæddum og eru innrættaði soleiðis:

í ovaru hæddini eru durur, gongd/trappugongd, vesi, 2 kømur, baðirúm og køkur/stova í einum.

Í niðaru hæddini er inngongd, gongd/trappugongd, fýrrúm, baðirúm, 2 kømur, bilhús, bilskýli og hjallur.

Omanfyri og norðanfyri húsini er stórt útigólv og niðanfyri húsini er stórt parkeringsøki.

Streymnes  liggur væl fyri mitt í Føroyum og er í Sunda Kommunu, sum kann nøkta alskyns tørvir, ið barnafamiljur, ung og gomul hava. Harímillum kann nevnast tríggir dagstovnar, nýggjur skúli, ítróttarhøll, fótbóltsvøllur og ellisheim, umframt ókeypis bussleið til borgarar í kommununi, ið koyrir millum bygdirnar í tíðarskeiðinum millum kl. 16 og 22 gerandisdagar. Eisini eru tveir stórir matvøruhandlar í økinum.