Sethús, Heimastivegur 4, Skálavík

Talan er um eini hugnalig sethús, ið hava góða staðseting í friðarligum øki ovarlaga í bygdini við blindan veg. Útsýnið er sera gott, og sæst yvir víkina og landslagið.

Húsini, ið eru í einari hædd, eru innrættaði við duri, kamari, baðirúmi, køki-alrúmi v/hems, kamari og fýrrúmi/vaskirúmi við brúsu.

Til húsini hoyra parkeringspláss, og ein stór suðurvend terrassa við góðum sólargangi.

Húsini hava flagtekju og tjøraðan klædning, og eru sera hugnalig, eins og tey fella væl inn í landsslagið - úr alrúminum ber til at koma beint út á terrassuna, og er girðingin gjørd við tí fyri eyga, at ein kann sita niðri í hitapottinum og síggja út á opið hav.

Grundøkið er 504 fermetrar til víddar og er matrikulin umfataður av byggisamtyktini B, Bústaðarøki.