Tvíhús, Heiðavegur 24, Norðskála

Talan er um eini nýggj snøgg innilokaði tvíhús í tveimum hæddum, ið standa væl fyri í friðarligum, barnavinarligum og náttúruvøkrum umhvørvi. Stutt er millum annað til handlar, dagstovn og skúla.

Av tí at húsini eru innilokaði, hava keyparar møguleika at innrætta húsini sum tey sjálvi ynskja. Allar leiðingar eru lagdar inn í húsini, og vegleiðandi tekningar fylgja við.

Norðskála liggur væl fyri mitt í Føroyum og er í Sunda Kommunu, sum kann nøkta alskyns tørvir, ið barnafamiljur, ung og gomul hava. Harímillum kann nevnast tríggir dagstovnar, nýggjur skúli, ítróttarhøll, fótbóltsvøllur og ellisheim, umframt ókeypis bussleið til borgarar í kommununi, ið koyrir millum bygdirnar í tíðarskeiðinum millum kl. 16 og 22 gerandisdagar. Eisini eru tveir stórir matvøruhandlar í økinum.